İnamın gücü

Keçmiş cinayətkar Conas Naytingeyl qazanc əldə etmək üçün qeyri-adi bir yol seçir: o, şəhər-şəhər gəzərək sirk nömrələrinə bənzəyən dini tamaşalar təşkil edir. Növbəti səfər zamanı fırıldaqçı kiçik bir əyalət qəsəbəsində ləngiməli olur. Buradakı sakinlərin çoxu poladtökmə zavodunun bağlanması səbəbindən işsiz qalıb və ağır güzəran keçirir.

Conas çətin vəziyyətdə yaşayan sadəlövh insanların son pullarını heç bir vicdan əzabı çəkmədən mənimsəyir. Lakin bu yalançı şoulardan birində gözlənilmədən həqiqi bir möcüzə baş verir. Hadisə o qədər sarsıdıcı olur ki, hər kəsi aldadan bu yalançı vəiz özü Allaha səmimi qəlbdən inanmağa başlayır.

ABŞ istehsalı olan «İnamın gücü» filmi komediya, dram və melodram janrlarını özündə birləşdirir. 1992-ci ildə ekranlara çıxan lentin rejissoru Riçard Pirsdir. Baş rolları Stiv Martin, Debra Uinger, Lolita Davidoviç və Liam Nison ifa ediblər.