Qurd ili

Ədəbiyyat fakültəsinin tələbəsi olan Sari ağlı və gözəlliyi ilə hamının diqqətini cəlb edir. Lakin bu zahiri sakitliyin arxasında ciddi bir xəstəlik — epilepsiya dayanır. Qəfil tutmaların qorxusu gənc qadını insanlarla arasına sərhəd qoymağa və ehtiyatlı davranmağa vadar edir.

Fakültənin yaşlı müəllimi Mikko Qroman ilə tanışlıq Sarinin həyatına təsir edir. XIX əsr poeziyasına sığınan bu müəllim də cəmiyyətdən təcrid olunmuş şəkildə yaşayır. Daxili tənhalıqlarını bölüşən bu iki insan bir-birinə yaxınlaşsa da, ətrafdakılar onların arasındakı fərqləri qəbul etməkdə çətinlik çəkirlər.

Finlandiya istehsalı olan «Suden vuosi» («Qurd ili») melodramı 2007-ci ildə rejissor Olli Saarela tərəfindən çəkilib. Filmdə əsas rolları Krista Kosonen, Kari Heiskanen, Johanna af Schultén və Kai Vaine canlandırıblar.