Bahar!

Nümunəvi məktəbli Osaka Aoi milli universitetin hüquq fakültəsinə qəbul imtahanlarının ilk mərhələsindən kəsilir. Bu gözlənilməz uğursuzluqdan sarsılan qız basketbol komandasının üzvü olan sinif yoldaşı Murase Tasuku ilə qarşılaşır. Məlum olur ki, o da eyni sınaqdan keçə bilməyib.

Qarşıda cəmi üç gün sonra baş tutacaq ikinci mərhələ var və bu onların son şansıdır. Yalnız esse yazmaqdan ibarət olan bu imtahanda cəmi on yer uğrunda gərgin mübarizə gedəcək. Tasuku ruhdan düşmüş Aoiyə birlikdə hazırlaşmağı və ədəbiyyat müəllimi Sayama Qakudan kömək istəməyi təklif edir. Beləliklə, xaraktercə tamamilə fərqli olan bu iki gənc qüvvələrini birləşdirir.

«Bahar!» (Supuringu!) 2025-ci il istehsalı olan yapon dram və romantika filmidir. Ekran əsərində baş rolları Inoue Nagi və Fujioka Maito canlandırıblar.