Mimino

Gürcüstanın dağlıq kəndlərində helikopter idarə edən Valiko Mizandari yerli camaat arasında Mimino ləqəbi ilə tanınır. O, ucqar kəndlərə məktublar, meyvə-tərəvəz və ev heyvanları daşıyaraq günlərini keçirir. Tiflis hava limanında keçmiş təhsil yoldaşı ilə qarşılaşan təyyarəçi, onun sürətli böyük təyyarəsini və heyətini gördükdən sonra həyatını yenidən qurmağa qərar verir.

Böyük aviasiyaya keçmək istəyən Valiko ixtisasını artırmaq üçün Moskvaya yollanır. Qaldığı mehmanxanada o, təsadüfən erməni sürücü Ruben Xaçikyanla eyni otağı bölüşməli olur. Yeni otaq yoldaşını sənədlərdəki qarışıqlıq ucbatından səhvən endokrinoloq professor zənn edərək həmin nömrəyə yerləşdiriblər.

1977-ci ildə ekranlara çıxan «Mimino» komediya filminin rejissoru Georgi Daneliyadır. SSRİ istehsalı olan bu kinolentdə əsas obrazları Vaxtanq Kikabidze, Frunzik Mkrtçyan, Yelena Proklova və Yevgeni Leonov canlandırıblar.