Qırmızı köşkdə yuxu

«Qırmızı köşkdə yuxu» filmi Cya Baoyünün güclü qar yağarkən rahibliyə üz tutması ilə açılır. Əsas süjet isə onun keçmiş xatirələri kimi canlanır. Atasının vəfatından sonra kimsəsiz qalan Lin Dayüy zəngin Cya ailəsinin malikanəsinə gəlir və burada uşaqlıqdan sevdiyi Baoyü ilə yenidən görüşür.

Eyni vaxtda mülkün idarəçisi Van Sifen qızın atasından qalan mirası ələ keçirir və həmin vəsaiti Daquanyüan bağının inşasına xərcləyir. Çox keçmədən nüfuzlu ailənin evinə zəkası və kübarlığı ilə seçilən Süe Baoçay gəlir. Bu gəliş gənclərin taleyini dolaşdıran mürəkkəb intriqaların başlanğıcına çevrilir.

Çin istehsalı olan bu melodram 2024-cü ildə rejissor Xu Mey tərəfindən ekranlaşdırılıb. Filmdə əsas obrazları Lin Pen, Liza Lu, Quan Syaotun və Bən Çen canlandırıb.