Dünyanın sonu gələn gün səninlə. Final

İnsanları zombiyə bənzər yırtıcılara çevirən təhlükəli virus ətrafı bürüdükdən sonra salamat qalan yeganə sığınacaq "Utopiya" adlı qapalı qüllə olur. Alimlər burada xilasedici peyvənd hazırlamaq üçün lazımi anticisimlərə malik olan Mirai adlı balaca qızı qaçırırlar. Laboratoriyada aparılan tədqiqatlar məhz bu uşağın üzərində qurulub.

Qızın atası Hibiki övladını xilas etmək məqsədilə özü kimi düşünən insanları bir araya toplayır. Onlar ciddi şəkildə qorunan bu hündür qülləyə hücum çəkərək qapalı tədqiqat mərkəzinə girməyi qərara alırlar.

2024-cü il istehsalı olan "Gekijoban kimi to sekai ga owaru hi ni final" adlı yapon filmi dram və qorxu janrlarını birləşdirir. Ekran əsərinin quruluşçu rejissoru Shintaro Sugavaradır, baş rolları isə Ryoma Takeuchi, Fumiya Takahashi, Mayu Hotta və Rihito Itagaki canlandırıblar.