Kapitan Kryuk

Qəzəbini cilovlaya bilməməsi Nikita Kryukovun həm peşəkar buzüstü xokkeyçi, həm də idman meneceri kimi karyerasına son qoyur. Hər kəsin üz çevirdiyi bir vaxtda anasının ölüm xəbərini alan Nikita dərhal doğma şəhərinə yollanır. Lakin sonradan məlum olur ki, bu xəbəri anasının ikinci evliliyindən olan kiçik qızı Jenka qəsdən uydurub; Nikita isə anasının yenidən ailə qurmasını bağışlamadığı üçün uzun illər ərzində Moskva və Amerikada yaşayaraq ailəsi ilə əlaqə saxlamamışdı.

Jenka da xokkeylə məşğul olur və hər kəsə qardaşının gəlib onların yeniyetmə komandasını finala çıxaracağını deyir. Əvvəlcə paytaxta tələsən və heç kimi məşq etdirmək fikrində olmayan Kryuk anasının təkidi ilə komandanın məşqinə baş çəkir. Orada gördüklərindən sonra o, uşaqların məşqçisi olmağa razılaşır, lakin onun qalmaq qərarının arxasında duran səbəb bacısını heç də sevindirməyəcək.

2024-cü il istehsalı olan «Kapitan Kryuk» dram və komediya filminin rejissoru Maks Maksimovdur. Rusiya istehsalı ekran əsərində əsas rolları Roman Kurtsın, Yeva Smirnova, Sergey Stepin və Stepan Devonin canlandırıb.