Gecəqondudakı milyarder

Gənc oğlan böyük şəhərin yoxsul məhəlləsində qıtlıq içində böyüyür və ailəsinin kasıb olduğunu zənn edir. Əslində isə onun atası böyük bir sərvətə sahib milyarderdir və bu vəziyyət xüsusi tərbiyə planının bir hissəsidir.

Ətrafındakı bütün insanların valideynləri tərəfindən tutulmuş aktyorlar olmasından gəncin xəbəri yoxdur. Bütün bu qeyri-adi və qəribə mühit sırf oğlanı sınaqdan keçirmək üçün qurulmuş saxta bir reallıqdır.

2024-cü il istehsalı olan «Gecəqondudakı milyarder» (Zhua wa wa) adlı Çin filminin rejissorları Pen Damo və Yan Feydir. Komediya və dram janrındakı ekran əsərində baş rolları Şen Ten, Ma Li, Şi Penyuan və Rina Sa canlandırıb.