Krotoa

Hadisələr XVII əsrin ortalarında Afrika qitəsinin cənubunda cərəyan edir. Yerli qəbilədən olan cəsur qız Krotoa hələ on bir yaşında ikən hollandiyalı tacir Yan van Ribekin xidmətinə düşür. Həmin ərəfədə gəmiləri təchiz etmək məqsədilə bölgədə Kap koloniyası və mühafizə qalası inşa edilir.

Yeni mühitə düşən Krotoa tezliklə yad mədəniyyəti mənimsəyir və holland dilini öyrənir. Bacarığı sayəsində o, van Ribekin rəsmi tərcüməçisinə çevrilərək avropalılarla yerli əhali arasında əlaqə qurmağa kömək edir.

«Krotoa» tarixi dram filmi Roberta Dürrant tərəfindən lentə alınıb. CAR istehsalı olan bu ekran əsəri 2017-ci ildə nümayiş olunub. Baş rolları Kristal-Donna Roberts, Arman Okamp, Jak Bessencer və Brendon Deniels canlandırıblar.