Məni xatırla

Ristuççia ailəsi kənardan firavan görünsə də, əslində hər kəs öz daxili narazılığı ilə yaşayır. Karlo gəncliyində yazıçı olmaq istəsə də, yarımçıq qalmış romanını unudaraq maliyyə sahəsində işləyir. Həyat yoldaşı Culiya bütün ömrü boyu aktrisa olmağı arzulasa da, adi müəllimədir. Onların qızı Valentina məşhur televiziya şousuna düşmək üçün hər şeyə hazırdır, oğlu Paolo isə qarşılıqsız sevgi əzabı çəkir.

Evdəki davamlı narazılıqlar və mübahisələr günlərin birində gözlənilməz dönüşlə üzləşir. Karlo gənclik sevgisi olan cazibədar Alessiya ilə qarşılaşır və onunla yenidən eşq macərası yaşamağa başlayır. Bu münasibət onun yaradıcılıq həvəsini oyadır, ailənin digər üzvlərinin də gizli istəkləri bir-bir gerçəkləşməyə başlayır, lakin bu dəyişikliklər həm də yeni sınaqlar gətirir.

«Məni xatırla» (Ricordati di me) filmini italiyalı rejissor Qabriele Muççino çəkib. İtaliya, Fransa və Böyük Britaniyanın birgə istehsalı olan bu dram 2003-cü ildə təqdim edilib. Əsas rollarda Fabritsio Bentivolyo, Laura Morante, Nikoletta Romanoff və Monika Belluççi çıxış edirlər.