Çar

XVI əsrin ortaları, İvan Qroznının hakimiyyət dövrü. Livoniya müharibəsi və aclıq ölkəni zəiflətdiyi bir vaxtda hökmdar hər kəsdən xəyanət gözləyir. Yalnız çarın iradəsini tanıyan opriçniklər ətrafdakı hər bir insanı dövlət düşməni sayaraq ölkədə qəddarlıq hökm sürürlər.

Bu qanlı hadisələrin və hökmdarın zülmünün qarşısına çıxmağa yalnız uşaqlıq dostu olan mitropolit Filipp cəsarət edir. O, haqsızlığa qarşı səsini ucaldaraq özünü təhlükə altına atır. İki keçmiş dostun bu toqquşması böyük mənəvi qarşıdurmaya çevrilir.

«Çar» tarixi dram filmi rejissor Pavel Lunqin tərəfindən lentə alınıb. 2009-cu il istehsalı olan Rusiyanın bu ekran əsərində baş rolları Pyotr Mamonov, Oleq Yankovski, Yuri Kuznetsov və Aleksandr Domaqarov canlandırıblar.