Everest. Mümkünsüzə doğru

Yeni Zelandiyadan olan sadə arıçı Edmund Hillari və bələdçi Tensinq Norgey yer kürəsinin ən hündür zirvəsinə doğru təhlükəli yola çıxırlar. Həmin vaxta qədər bu sıldırım marşrutu heç kim fəth edə bilməmişdi. «Beyond the Edge» filmi 1953-cü ilin məşhur tarixi hadisələrini yenidən canlandırır.

Zirvəyə qalxmaq alpinistlərdən yalnız fiziki dözüm deyil, həm də daxili qorxularla mübarizə tələb edir. Hillari yolboyu öz şübhələrinə qalib gəlməyə çalışaraq addım-addım irəliləyir. İki nəfərlik komanda çətin hava şəraitində buzlu yamacları qət edir.

2013-cü ildə ekranlara çıxan sənədli-tarixi dramın rejissoru Lian Pulidir. Yeni Zelandiya istehsalı olan bu ekran əsərində əsas rolları Çad Moffitt, Sonam Şerpa, Eroll Şand və Daniel Masqrouv canlandırıblar.