Fwends

Uzun ayrılıqdan sonra köhnə rəfiqələr Em və Cessi həftəsonunu birgə keçirmək üçün Melburnda görüşürlər. İyirmi yaşlarının əvvəlində olan qızların hər ikisi çətin günlərdən keçir və özlərini çaşqın hiss edirlər. Em Sidney şəhərindəki gərgin və ağır iş mühitindən uzaqlaşmağa çalışır, Cessi isə yenicə bitmiş münasibətin kədərini yaşayır.

Şəhər boyu gəzinti əvvəlcə adi söhbətlərlə başlasa da, zaman keçdikcə rəfiqələr daha səmimi olmağa başlayırlar. Qızlar içlərində yığılıb qalmış narahatlıqları, çətinlikləri və həyatlarındakı yenilikləri bir-birlərinə etiraf edirlər.

Avstraliya istehsalı olan «Fwends» dram-komediya filminin rejissoru Sofi Somervildir. Ekran işində əsas rolları Melissa Qan və Emmanuel Mattana canlandırıblar. Film 2025-ci ildə işıq üzü görüb.