Şimal dənizi, Texas

Gənc Pim Belçikanın kiçik bir qəsəbəsində böyüyür və uşaqlıqdan öz daxili dünyasını olduğu kimi qəbul edir. Vaxtilə yerli gözəllik müsabiqəsinin qalibi olmuş anası indi günlərini «Texas» adlı barda qarmon çalmaqla keçirir. Qadın diqqət mərkəzində olmağı sevir və oğlunun hisslərinə, düşüncələrinə demək olar ki, əhəmiyyət vermir.

Evdəki soyuq mühitdən təngə gələn Pim qonşu evdə rahatlıq axtarır. Qonşu qadın yeniyetmənin daxili istəklərini tez bir zamanda anlayır. Qızı Pimə vurulsa da, oğlanın diqqətini onun böyük qardaşı cəlb edir və ana bu yaxınlığa mane olmamaq qərarına gəlir.

«Şimal dənizi, Texas» dram filmi 2011-ci ildə ekranlara çıxıb. Belçika istehsalı olan bu filmin rejissoru Bavo Defürndür. Baş rolları Eva Van der Qüxt, Ella-Cun Henrard, Matias Verhels və Toma Kuman canlandırıblar.