Mest-i Aşk

Böyük mütəfəkkir və şair Mövlanə Cəlaləddin Rumi ilə Şəms Təbrizinin qarşılaşması hər iki şəxsiyyətin həyatında dərin iz buraxır. Tədricən onların arasında yaranan səmimi dostluq və mənəvi bağ şairin daxili dünyasını büsbütün dəyişir, onu Allaha olan sevginin yeni mərtəbələrinə aparır.

Şəmsin düşüncələri və baxışları Ruminin yaradıcılığına, onun şeirlərindəki hikmət dolu misralara birbaşa təsir göstərir. «Mest-i Aşk» filmi bu mənəvi yoldaşlığın şairin şəxsiyyətində və dünyagörüşündə necə silinməz izlər qoyduğunu nümayiş etdirir.

Türkiyə və İranın birgə istehsalı olan bu tarixi dram 2024-cü ildə işıq üzü görüb. Ekran əsərinin rejissoru Həsən Fəthidir, əsas rolları isə Tohir Məliyev, Səlma Ərgəc, İbrahim Çəlikkol və Burak Tozqoparan canlandırıb.