Fransızsayağı boşanma 2

Vinsent və Florans üç uşağın qəyyumluğunu bir-birinin üzərinə atmaq üçün apardıqları mübarizəni çoxdan geridə qoymuş kimi görünürdülər. Aradan iki il keçir və keçmiş həyat yoldaşlarının hər biri özünə yeni münasibət qurur. Yeni sevgi başlayan kimi ata ilə ana arasında köhnə rəqabət yenidən alovlanır.

Valideynlər yenə də qarşılıqlı hiylələrə əl ataraq mübahisələrə başlayırlar. Bu çəkişmələrin mərkəzində qalan uşaqlar isə böyüklərin yaratdığı sonsuz dairəni birdəfəlik qırmaq məqsədilə hadisələrə qarışmaq qərarına gəlirlər.

«Papa ou maman 2» filmini rejissor Marten Burbulon çəkib. 2016-cı ildə Fransa və Belçika tərəfindən istehsal olunmuş bu ekran əsəri eyniadlı seriyanın davamıdır. Əsas rollarda Loran Lafitt, Sara Lepikar, Conatan Koen və Joslin Lavyel çıxış edir.