Ürək döyüntüsü

Varlı atanın təkidi ilə Anjali sevmədiyi iş adamı Ramla ailə qurmağa məcbur olur. Lakin Ram xanımına qarşı o qədər səmimi və diqqətcil davranır ki, zamanla Anjalinin ona qarşı münasibəti dəyişir və o, ərini sevməyə başlayır.

Bir neçə il sonra onların həyatına Anjalinin keçmiş sevgilisi Dev daxil olur. Üç il əvvəl kasıb olduğu üçün qızın atası tərəfindən qovulan Dev artıq Londondan varlanmış bir iş adamı kimi qayıdıb. O, Anjalini geri qaytarmaq istəyir, lakin rədd cavabı aldıqdan sonra onun ailəsini müflis edəcəyini bildirir.

«Ürək döyüntüsü» (Dhadkan) adlı Hindistan melodramı 2000-ci ildə nümayiş olunub. Filmin rejissoru Darmeş Darşandır. Əsas rolları Akşay Kumar, Suşma Setx, Şarmila Taqor və Mahima Çaudhari canlandırıblar.