Friendship!

1989-cu ildə Berlin divarının yıxılması iki alman dostun qarşısında okeanın o tayına — Amerikaya yol açır. Yoldaşlar çoxdankı arzularını gerçəkləşdirmək və San-Fransisko şəhərinə çatmaq məqsədilə böyük bir səyahətə çıxırlar.

Özgə bir ölkədə onları müxtəlif hadisələr və yeni tanışlıqlar gözləyir. Dil baryeri belə gənclərin əhvalını poza bilmir, çünki onlar sevgi və ünsiyyət dilinin hər yerdə eyni olduğuna inanırlar. İki dostun əsas istəyi isə bu səfərdən doyunca zövq almaq və azadlıq dadını hiss etməkdir.

«Friendship!» bədii filmi rejissor Markus Qoller tərəfindən 2009-cu ildə lentə alınıb. Almaniya və ABŞ-ın birgə istehsalı olan bu komediya-dram layihəsində Piter Makon, Kameron Qudman, Tim Cenis və Brayan D. Kouts kimi aktyorlar çəkiliblər.