Love in Vietnam

Hindistanlı gənc Manav təhsil almaq məqsədilə Vyetnama yollanır və burada yerli rəssam həm də rəqqasə olan Lin ilə qarşılaşır. Gənclər arasında tez bir zamanda səmimi hisslər yaranır və münasibətləri dərinləşir. Lakin gözlənilmədən Lin heç bir iz qoymadan yoxa çıxır.

İllər keçsə də, Manav keçmişdə qalan bu sevgini unuda bilmir. Ailəsi isə onun uşaqlıq dostu Simmi ilə ailə qurmasını tələb edir. İndi o, doğmalarının istəyinə tabe olmaqla itirdiyi sevgilisini axtarmağa davam etmək arasında çətin bir qərar vermək məcburiyyətindədir.

«Love in Vietnam» filmi 2025-ci ildə Hindistanda istehsal olunub və məşhur «Xəz mantolu Madonna» romanından ilhamlanaraq çəkilib. Ekran əsərinin rejissoru Rahhat Shah Kazmidir. Baş rollarda Gulshan Grover, Raj Babbar, Farida Jalal və Harbinder Singh çıxış edirlər.