Onu sevirdim

Əri Adrian başqa bir qadına görə ailəni tərk etdikdən sonra Xloya dərin sarsıntı keçirir. İki azyaşlı qızı ilə təkbaşına qalan gənc ana bu ayrılıqdan sonra necə yaşayacağını və nə addım atacağını bilmir.

Çətin anlarda ona gözlənilmədən qayınatası Pyer dayaq durur. O, gəlini və nəvələrini şəhərdən kənardakı sakit bağ evinə aparır. Burada Pyer gənc qadının dərdinə şərik olmaq üçün iyirmi il boyunca hamıdan gizli saxladığı öz böyük məhəbbət hekayəsini ona danışır.

2009-cu ildə ekranlara çıxan «Je l'aimais» melodram filminin rejissoru Zabu Braytmandır. Fransa, İtaliya, Belçika və Honq Konq istehsalı olan bu ekran əsərində baş rolları Daniel Otoy, Florans Luare, Mari-Joze Kroz və Kristiana Mille canlandırıb.