Dreaming of America

Conson adlı gənc oğlan uşaqlıqdan bəri dərin yoxsulluq içində yaşamağa məcbur qalıb. Ehtiyacdan qurtulmaq istəyən gənc təhsil haqqını ödəmək və həyatını dəyişmək üçün gecə-gündüz çalışır. Onun ən böyük arzusu isə okeanın o tayına — ABŞ-a köçərək Amerika xəyalını gerçəkləşdirməkdir.

Lakin arzusuna doğru addımladıqca Conson doğma Nigeriyanın amansız reallıqları ilə üzləşir. Xaricə getmək ümidi qəfil xəyanətlər və mürəkkəb sevgi münasibətləri ilə toqquşaraq sınağa çəkilir. Gəncin qurduğu bütün planlar gözlənilməz maneələrlə qarşılaşır.

2025-ci il istehsalı olan «Dreaming of America» dram filminin rejissoru Taiwo Odualadır. Ekran əsərində əsas rolları Shushu Abubakar, Ashonibare Benjamin, Ojahuni Samson Abayomi və Oyebo Akinola canlandırıblar.