Başgicəllənmə

Gənc dizayner So-yon hündürmərtəbəli binanın qırx ikinci mərtəbəsində işləyir və hündürlük qorxusundan əziyyət çəkir. Kabinetində keçirdiyi hər gün onun şiddətli baş ağrıları ilə nəticələnir. Belə gərgin günlərdə qızın təsəllisi yalnız şöbə müdiri Li ilə gizli görüşləri olur.

Bir gün pəncərənin o biri tərəfində şüşə təmizləyən sənaye alpinisti görünür. Başgicəlləndirici yüksəklikdə çalışan bu adam So-yonun diqqətini çəkir, qısa müddət sonra fəhlə özü də qıza xüsusi maraq göstərməyə başlayır.

Cənubi Koreya istehsalı olan «Başgicəllənmə» filmini 2019-cu ildə rejissor Çon Qe-su çəkib. Ekran əsərində baş rolları Çxon U-hi, Kvak Çin, Yun San-hva və Pak Yon-su canlandırıb.