II / İki

Onuncu sinif şagirdləri Nastya, Saşa və Kristina dərslər, repetitor hazırlıqları, kinoteatr və əyləncə məclisləri ilə dolu yeniyetməlik dövrünü yaşayırlar. On altı yaşlı gənclər sərt nizam-intizamın hökm sürdüyü və başqalarından fərqlənməyin çətin olduğu bir məktəb mühitində oxuyurlar.

Lakin gözlənilməz bir xəbər bu kiçik mühiti dərindən sarsıdır. Hadisə məktəblilərin gizli qorxularını və ətraflarındakı insanların kök salmış xurafatlarını gün işığına çıxarır.

Belarus istehsalı olan dram janrlı «II/Два» filmini 2019-cu ildə rejissor Vlada Senkova ərsəyə gətirib. Ekran əsərində baş rolları Roman Podolyako, Nataliya Podvitskaya, Yevgeniya Kulbaçnaya və Svetlana Timoxina canlandırıblar.