Ana

Ərini itirən Polina altı uşağı ilə təkbaşına qalır. Ailəsini dolandırmaq məqsədilə o, oğlanlarından ibarət musiqi qrupu yaradır, daha sonra isə başqa ölkəyə getmək üçün təyyarə qaçırmağa cəhd edir.

On beş illik həbs cəzasından sonra qadın azadlığa buraxılır. Polina böyük oğlunun psixiatriya xəstəxanasında saxlanıldığını öyrənir. O, böyük oğlunu oradan xilas etmək üçün digər övladlarını yenidən bir araya toplayır.

1999-cu ildə çəkilmiş Rusiya istehsalı olan «Ana» dram filminin rejissoru Denis Yevstiqneyevdir. Əsas rolları Nonna Mordyukova, Nikolay Çindyaykin, Oleq Kuznetsov və Andrey Batuxanov canlandırıb.