Belkanto

Məşhur opera müğənnisi Roksana Koss Cənubi Amerika ölkələrindən birinə səfər edir. O, yapon maqnatının şərəfinə səfirlikdə təşkil olunmuş rəsmi qəbulda çıxış etməlidir. Lakin musiqili gecə yarımçıq qalır: general Benyaminin rəhbərlik etdiyi silahlı dəstə binaya basqın təşkil edir.

Yaraqlılar 490 nəfəri girov götürərək öz tələblərini irəli sürürlər. Onlar insanların həyatı qarşılığında həbsdəki siyasi məhbusların azad olunmasını istəyirlər. Hakimiyyət orqanları bu şərtləri dərhal yerinə yetirməyə tələsmədiyi üçün girov böhranı uzanır.

2017-ci ildə ekranlara çıxan «Bel Canto» filminin rejissoru Pol Vaytsdır. ABŞ və Meksikanın birgə istehsalı olan bu dramatik trillerdə Tenoc Uerta, Conni Ortiz, Olek Krupa və Lukas Papas kimi aktyorlar çəkiliblər.