The Ceremony

Bredford şəhərindəki avtoyuma məntəqəsində baş verən hadisə qeyri-qanuni çalışan mühacirlərin sakitliyini pozur. Müştəri saatının oğurlandığını iddia edərək işçilərdən birini günahlandırır və yaranan münaqişə gəncin ölümü ilə nəticələnir. Obyektin bağlanmasından və polisin digər işçiləri aşkar etməsindən çəkinən menecer Kristi cəsəddən gizlicə yaxa qurtarmaq qərarına gəlir.

Kürd mənşəli işçi Yusif ona yardım etməyə razılaşır, lakin bir şərt irəli sürür: həlak olan gənc mütləq dini qaydalara uyğun dəfn edilməlidir. Beləliklə, hər iki kişi cəsədi furqona qoyaraq Yorkşir-Deyls təpəliklərinə doğru yola düşür və orada mərasim üçün gözdən uzaq yer axtarır.

Böyük Britaniya istehsalı olan «The Ceremony» dram filmi 2024-cü ildə işıq üzü görüb. Ekran əsərinin rejissoru Cek Kinqdir. Baş rolları Arnold Baksi, Momin Svaytat, Mustafa Hüseyni və Mihay Visan canlandırıblar.