Lavinya

Tələbəlik illərindən bir yerdə olan Can və Ezgi sakit həyat sürərək botanika bağı işlədirlər. Cütlük münasibətlərini rəsmiləşdirmək qərarına gəlsə də, Ezginin problemli qardaşı Burak daim onların dincliyini pozur.

Toy öncəsi təşkil edilən subaylığa vida gecəsində Can və Burak təsadüfən Əli və Elif adlı ər-arvadla tanış olurlar. Əvvəlki iki uğursuz hamiləlikdən sonra yenidən ana olmağa hazırlaşan Eliflə bu görüş gözlənilməz hadisələrin başlanğıcına çevrilir və hər kəsin taleyini dəyişir.

2024-cü ildə ekranlara çıxan «Lavinya» filminin rejissor kürsüsündə Can Varol və Mustafa Üzer əyləşib. Türkiyə istehsalı olan bu dram və trillerdə baş rolları Pelin Bölükbaş, Eser Karabil, Çiğdem Aksüt və Şahin Sancak canlandırıblar.