Growing Down

Həyat yoldaşını itirmiş Şandor sevgilisi Klara ilə birgə gələcək qurmağa və ailələrini birləşdirməyə çalışır. Birlikdə qeyd olunan ailə məclisi gözlənilməz faciə ilə nəticələnir. Onun on iki yaşlı oğlu Deneş ilə Klaranın qızı Şari arasında baş verən insident zamanı qız ağır xəsarətlər alır. Bu hadisənin yeganə şahidi isə məhz Şandor olur.

Growing Down dramının baş qəhrəmanı mürəkkəb mənəvi seçim qarşısında qalır. Həqiqəti desə, azyaşlı oğlunu yetkinlik yaşına çatmayanlar üçün cəzaçəkmə müəssisəsi gözləyir. Yalan danışmaq isə yeni ailədəki etimadı və münasibətləri birdəfəlik məhv edə bilər.

Macarıstan istehsalı olan ekran işinin rejissoru Balint Daniel Şoşdur. 2025-ci ildə təqdim edilən layihədə əsas rolları Sabolç Haydu, Robert Kardoş, Aqoşton Şafrany və Akoş Baloq canlandırıblar.