Adi günlərin sehri

Hadisələr 1944-cü ildə Koloradoda cərəyan edir. Vaiz atası ilə yaşayan Livi tarix üzrə elmi dərəcə almağa hazırlaşır. Lakin cəbhəyə yollanmış əsgərdən hamilə qaldıqdan sonra atası tərəfindən qınanır və tənha fermer Rey ilə məcburi nikaha girməli olur. Öz növbəsində Rey də Pörl-Harborda həlak olmuş qardaşının kədərini hələ də daxilində yaşayır.

Taleyi ilə barışmaq məcburiyyətində qalan qadın yeni mühitə və qapalı xasiyyətli həyat yoldaşına öyrəşməyə çalışır. Bütün bunlara baxmayaraq, Livi cəbhədəki əsgərə məktublar yazmaqda davam edir və onun nə vaxtsa geri dönəcəyi ümidini itirmir.

«Adi günlərin sehri» (The Magic of Ordinary Days) dram filmi 2005-ci ildə ABŞ və Kanada istehsalı olaraq ekranlara çıxıb. Ekran əsərinin rejissoru Brent Şildsdir. Əsas rolları Karl Rot, Erik Vinter, Breyden Ballen və Sem Dayer canlandırıblar.