Nyersanyag

Budapeştdən gələn kino heyəti gənc rejissor Tamaşın rəhbərliyi ilə ucqar bir macar kəndinə yollanır. Onlar yerli uşaqlar üçün yaradıcılıq emalatxanası təşkil etməyi planlaşdırırlar. Qonaqlar kənd sakinləri ilə tezliklə ümumi dil tapır və onların gündəlik qayğıları ilə tanış olurlar.

Lakin bir müddət sonra paytaxtdan gələn gənclər kənddəki sərt idarəçiliyin və korrupsiyanın şahidi olurlar. Məlum olur ki, bütün idarəetmə kəndlilərin əsas dolanışıq yeri sayılan xiyar fermasına rəhbərlik edən bələdiyyə sədrinin əlindədir. Vəzifəli şəxsin özbaşınalığını görən rejissor araşdırmaya başlayır və həqiqətləri üzə çıxaracaq sənədli film çəkmək qərarına gəlir.

Macarıstan istehsalı olan Nyersanyag dram filmi 2024-cü ildə təqdim edilib. Ekran əsərinin rejissoru Martin Borossdur, əsas rolları isə Zoltán Szabó, Zsolt Dér, Tamás Chelios Radics və Stefi Szabó ifa ediblər.