Sarı məktublar

Tanınmış teatr aktrisası Dərya və universitet müəllimi olan dramaturq əri Əziz yeniyetmə qızları Əzgi ilə birgə Ankarada qayğısız bir ömür sürürdülər. Lakin onların yeni tamaşasının premyerasında baş verən gözlənilməz hadisə hər şeyi alt-üst edir. Hakimiyyət orqanları ailəni müxalif fikirlər yaymaqda günahlandıraraq nəzarətə götürür.

Cütlük qısa müddətdə dövlət teatrındakı və universitetdəki işlərini, eləcə də yaşadıqları evi itirir. Qazancsız qalan ailə tələsik İstanbul şəhərinə köçmək məcburiyyətində qalır. Onlar müvəqqəti olaraq Əzizin anasının yanında sığınacaq tapırlar.

«Gelbe Briefe» dram filminin rejissoru İlker Çatakdır. Almaniya, Fransa və Türkiyənin birgə istehsalı olan layihədə Tansu Biçər, Leyla Smyrna Cabas, Ömer Filikci və İpək Seyalioğlu baş rolları canlandırıblar.