The Undertaker 2: Afterlife

Kənddəki adi günlərin birində qəribə bir hadisə baş verir: ildırım vuran Yai Coy adlı yaşlı qadın öz dəfn mərasimi zamanı gözlənilmədən dirilir. Bu qeyri-adi hadisə kənd sakinlərinin böyük heyrətinə səbəb olur.

Eyni vaxtda sevgilisini yol qəzasında itirən Thup adlı gənc kədər içində çırpınır və yerli qəbirqazanlar Syanq və Çerd ilə tanış olur. Yaşlı qadının dirilməsi xəbərini eşidən Thup bunun bir möcüzə olduğunu və o biri dünya ilə əlaqə quraraq itirdiyi sevgilisinə çatmaq üçün bir fürsət yaratdığını düşünür.

«The Undertaker 2: Afterlife» filmi komediya, dram və qorxu janrlarını özündə birləşdirir. 2026-cı il istehsalı olan Tailand ekran əsərinin rejissorları Thiti Srinual və Panudda Siriteepakorndur. Əsas rollarda isə Phuwanet Seechomphu, Phuwasit Ananbhornsiri, Tata Chatchai Chinnasri və Dongdeng Nattawut Sanyabut çəkiliblər.