Mavi Laquna

Dəniz gəzintisi zamanı Emma gözlənilmədən gəminin göyərtəsindən suya düşür. Hadisəni yalnız Din görür və heç tərəddüd etmədən qızın arxasınca dənizə tullanır. Beləliklə, iki gənc Karib dənizində yerləşən kimsəsiz bir adada təcrid olunmuş vəziyyətdə qalırlar.

Sivilizasiyadan uzaq bu məkanda onlar həftələrlə yanaşı yaşamaq məcburiyyətində qalırlar. Bir yerdə vaxt keçirdikcə gənclər bir-birlərini daha yaxından tanıyır, həm də öz daxili dünyalarını kəşf edirlər. Çətin şəraitdə keçən günlər onları bir-birinə bağlayır və aralarında sevgi münasibəti yaranır.

2012-ci ildə ABŞ-da çəkilmiş «Mavi Laquna» filminin rejissorları Erik Bross və Mikael Salomondur. Romantik dram janrındakı ekran əsərində baş rolları İndiana Evans, Ceyms Colli, Aliks Qitter və Kayl Lezerberri canlandırıblar.