Timsahların sarı gözləri

«Les yeux jaunes des crocodiles» dramı bir-birinə heç bənzəməyən iki bacının həyatından bəhs edir. Qırx yaşlı Jozefina Fransanın orta əsrlər tarixini araşdırır və qızlarını böyüdür. Onun uzun müddətdir işsiz qalan əri gənc sevgilisi ilə birlikdə timsah saxlamaq üçün Keniyaya yola düşərək ailəni tərk edir. Jozefinanın bacısı İris isə zəngin ərinin sayəsində dəbdəbəli kübar həyat sürür.

Ətrafdakılarda təəssürat yaratmaq istəyən İris XII əsr haqqında roman yazdığını yalandan iddia edir. Yalanı üzə çıxmasın deyə, o, pula ciddi ehtiyacı olan Jozefinaya gizlicə kitabı onun yerinə yazmağı təklif edir. Bacılar əlyazmanın tezliklə bütün ölkədə böyük bir bestsellerə çevriləcəyini əvvəlcədən təsəvvür belə etmirdilər.

Filmin rejissoru Sesil Telermandır. Fransa və İspaniya istehsalı olan bu ekran əsəri 2014-cü ildə təqdim edilib. Əsas rollarda Alban Kasterman, Frederik Malayöd, Nensi Teyt və Jan-Mark Laye çəkiliblər.