Paqanini: Şeytanın skripkaçısı

İtalyan musiqiçisi Nikkolo Paqanininin şöhrəti bütün Avropaya yayılır və Parisdən başlayaraq hər yerdə insanları heyran qoyur. Onun qeyri-adi ifası cəmiyyət arasında qəribə şayiələrin yaranmasına səbəb olur: çoxları onun bu istedadı şeytana ruhunu satmaqla qazandığını düşünür. Qazanılan böyük şöhrət sənətkara rahatlıq gətirmir, tiryək və şərab isə onun daxili boşluğunu doldura bilmir.

London qastrolları zamanı virtuoz ifaçı mələk səsli və saf qəlbli gənc bir qızla rastlaşır. Bu görüş onun həyatında yeni hisslər oyatsa da, adı qaranlıq əfsanələrlə anılan bir sənətkarın səadət tapıb-tapmayacağı sual altında qalır. Bəlkə də qazanılan fövqəltəbii istedadın əvəzi məhz bu sevgini itirməklə ödənməlidir.

«Paqanini: Şeytanın skripkaçısı» adlı musiqili dram filmi 2013-cü ildə Almaniya və İtaliyanın birgə istehsalı kimi təqdim olunub. Ekran əsərinin rejissoru Bernard Rouzdur. Baş rolu məşhur skripkaçı Devid Qarrett ifa edib, digər rollarda isə Cared Harris, Helmut Berger və Marko Di Sapia çəkiliblər.