Seveyclərin evi

Hadisələr XVIII əsrdə, yakobitlərin üsyanı dövründə cərəyan edir. Ölkədə gərginliyin hökm sürdüyü bir vaxtda Seveyc ailəsi tədricən dağılan mülkündə sakit günlər keçirir. Ledi Seveyc böyük sevgi naminə qumarbaz və sadə bir insan olan Çonsi ilə ailə qurub, lakin əri qısa müddətdə onun demək olar ki, bütün mirasını itirib.

Günlərin birində cütlük Yorkşirdə səfərdə olan Devonşir hersoqu və hersoginyasından gözlənilməz məktub alır. Onları adətən qəbul edən zadəgan çiçək xəstəliyinə tutulduğu üçün əsilzadə qonaqlar Seveyclərin evinə gəlməyi qərara alırlar. Bu səfəri cəmiyyətdəki mövqelərini bərpa etmək üçün böyük şans hesab edən ər-arvad təcili hazırlığa başlayır. Qalan sonuncu zinət əşyalarını satan ailə sirk artistləri tutur, malikanəni qaydaya salır və baha qiymətə libaslar alır.

«Seveyclərin evi» adlı Britaniya filminin quruluşçu rejissoru Piter Qlantsdır. 2024-cü ilin istehsalı olan dram və komediya janrlı layihədə baş rolları Şiona Braun, Erin Battl, Fill Drü və Sven Ayronsayd canlandırıb.