Katti Batti

Maddi ləqəbli memar Madhav məişət kimyası ilə zəhərlənərək xəstəxanaya düşür. O, tələbəlik illərində tanış olduğu və təxminən beş il birgə yaşadığı sevgilisi Payalın gedişinə görə dərin kədər içindədir. Qız heç bir səbəb göstərmədən əşyalarını toplayıb onu tərk edib.

«Katti Batti» filminin qəhrəmanı bu cür gözlənilməz ayrılıqla razılaşmaq fikrində deyil. Xəstəxanada keçmiş xatirələrə qapılan Maddi nəyin bahasına olursa-olsun Payalı tapmağı qarşısına məqsəd qoyur. O, sevgilisinin hansı səbəbdən getdiyini öyrənmək istəyir.

Hindistan istehsalı olan bu dram və komediya janrındakı filmin rejissoru Nikxil Advanidir və ekran əsəri 2015-ci ildə çəkilib. Əsas rollarda Suparna Marva, Kanqana Ranaut, Məsud Axtar və Acay Cadhav çəkiliblər.