Madam

Var-dövlət içində yaşayan ər-arvad Parisdəki evlərində London meri də daxil olmaqla adlı-sanlı qonaqlar üçün ziyafət təşkil edirlər. Hazırlıq zamanı məlum olur ki, süfrə arxasında cəmi on üç nəfər əyləşməlidir. Xurafata inanan ev sahibəsi bu uğursuz rəqəmdən qorxaraq xidmətçisini qonaq qismində masaya dəvət edir.

Öz kimliyini gizlədən Mariya axşam boyunca diqqət çəkməməyə çalışır. Lakin onun süfrə arxasındakı davranışı gözlənilməz dönüşə səbəb olur və zəngin bir sənət kolleksiyaçısı ona aşiq olur.

2016-cı il istehsalı olan «Madam» filminin rejissoru Amanda Ştersdir. Fransada lentə alınan bu dramatik komediyada baş rolları Toni Kollett, Harvi Keytel, Ari Abittan və Metyu Qledhill canlandırıblar.