Filomena

Gənc irlandiyalı Filomena hələ yeniyetmə ikən ana olur və bu səbəbdən cəmiyyət tərəfindən qınaqla qarşılanır. Qohumları onu tərbiyələndirmək adı ilə monastıra göndərirlər, körpəsini isə zorla əlindən alıb Amerikadan olan bir ailəyə övladlığa verirlər. Monastır divarları arasında gənc ana saysız-hesabsız təhqirlərlə üzləşir.

İllər sonra oradan xilas olmağı bacaran qadın layiqli bir ömür sürsə də, oğlunu tapmaq ümidini heç vaxt itirmir. Uzunmüddətli axtarışlar nəticə vermədikdə, kilsənin puç etdiyi insan talelərini araşdıran təcrübəli jurnalist Martin Sikssmit onun hekayəsinə biganə qalmır və kömək etmək qərarına gəlir.

«Filomena» filmi 2013-cü ildə rejissor Stiven Frirz tərəfindən lentə alınıb. ABŞ, Böyük Britaniya və Fransanın birgə istehsalı olan dramda Nika MakQiqan, Rut MakKeyb və Vunmi Mosaku kimi aktyorlar çəkiliblər.