Homunculus

Otuz dörd yaşlı Susumu Nakoşi keçmişdə sığorta şirkətində çalışsa da, indi yaddaşını itirib və heç bir hiss keçirə bilmir. Evsiz qalan kişi gecələri öz avtomobilində keçirir. Günlərin birində Manabu İto adlı tibb tələbəsi ona kəllə sümüyündə dəlik açılmasını nəzərdə tutan qeyri-adi bir təcrübədə iştirak etməyi təklif edir.

Susumu bu riskli əməliyyatla razılaşır. Cərrahi müdaxilədən sonra o, qəribə bir xüsusiyyət qazanır: sağ gözünü yumduqda sol gözü ilə insanlarda homunkulları görməyə başlayır.

2021-ci ildə ekranlara çıxan «Homunculus» adlı fantastik dram filminin rejissoru Takaşi Şimizudur. Yaponiyada istehsal olunmuş filmin əsas rollarında Takeo Qocu, Qo Ayano, Kazumasa Taquçi və Takaşi Kitadai çıxış edirlər.