Mənim ən yaxşı düşmənim

Məktəbli Alf həmyaşıdlarının daimi təhqirləri və zorakılığı ilə üzləşir. Sinifdə ondan daha aşağı mövqedə yalnız böcək toplamaqla məşğul olan Toke qərarlaşıb. Bir gün Alfin əlinə zülmkarlarından amansız qisas alan Nikcolo adlı qəhrəmandan bəhs edən yapon manqası keçir və o, hərəkətə keçmək qərarı verir.

Toke ilə birləşən Alf həmin komiksin prinsiplərinə əsaslanan gizli dərnək yaradır. Hücumun ən yaxşı müdafiə üsulu olduğunu anlayan oğlanlar düşmənlərini tək-tək sıradan çıxararaq sinifdəki mövqelərini möhkəmləndirməyə başlayırlar. Lakin tezliklə onların qurduğu bu amansız oyunda dostla düşmən arasındakı fərq tamamilə itməyə doğru gedir.

«Min bedste fjende» dram filmi 2010-cu ildə Danimarkada nümayiş olunub və ekran əsərinin rejissoru Oliver Ussinqdir. Filmin əsas rollarını Nikolay Stovrinq Hansen, Rasmus Lind Rubin, Klara Bruun Sandbye və Kim Bodniya canlandırıb.