Mədəaltı vəzini yemək istəyirəm

Yuxarı sinif şagirdi Haruki təsadüfən sinif yoldaşı Sakuranın gündəliyini tapır və qızın mədəaltı vəzinin ağır xəstəliyindən əziyyət çəkdiyini öyrənir. Bu gizli kədəri bilən gənc onunla daha çox vaxt keçirməyə çalışır, lakin qısa müddət sonra Sakura həyata gözlərini yumur.

Bu hadisələrdən on iki il ötür. Haruki vaxtilə oxuduğu məktəbə artıq müəllim kimi qayıdır və keçmişdə qalan o bir neçə ayın xatirələri onu yenidən bürüyür. Eyni zamanda Sakuranın vaxtilə ən yaxın rəfiqəsi olmuş Kyoko da öz toyuna hazırlaşarkən onu yada salır.

«Kimi no suizo wo tabetai» adlı Yaponiya istehsalı olan dram və melodram filmi 2017-ci ildə ekranlara çıxıb. Ekran əsərinin rejissoru Sho Tsukikavadır. Əsas rolları Minami Hamabe, Takumi Kitamura, Dori Sakurada və Satomi Nagano canlandırıblar.