Kəpənək effekti

Evan psixiatriya xəstəxanasında yatan atasından qalan qəribə xəstəlikdən əziyyət çəkir. O, həyatının bəzi anlarını xatırlaya bilmir və həmin vaxtlarda qorxunc, izaholunmaz hadisələr baş verib. Uşaqlıqda həkim məsləhəti ilə gündəlik tutmağa başlayan gənc bütün yaşadıqlarını vərəqlərə köçürüb.

Kollecə daxil olduqdan sonra Evan köhnə qeydlərini oxuyarkən inanılmaz bir sirr açır. Məlum olur ki, o, gündəliklər vasitəsilə uşaqlığına qayıda və etdiyi seçimləri dəyişərək gələcəyin gedişatına birbaşa təsir edə bilir.

«The Butterfly Effect» adlı elmi-fantastik triller filmi rejissorlar Erik Bress və C. Makki Qruber tərəfindən çəkilib. 2003-cü il ABŞ və Kanada istehsalı olan dramda baş rolları Eşton Kutçer, Emi Smart, Elden Henson və Uilyam Li Skott ifa ediblər.