Tokio dekadansı

Topaz ləqəbli gənc qadın Ay fahişəliklə məşğul olur. Sadomazoxist musiqiçi Sato ilə qarşılaşması onun həyatında dərin iz buraxır. Qadını çürüməkdə olan cəmiyyətin son ümidi adlandıran bu adam onun üçün bir növ müəllimə çevrilsə də, sonradan yoxa çıxır.

Ay şəhərin qaranlıq künclərində amansız sınaqlarla üzləşməyə davam edir. O, müxtəlif kompleksləri və qəddarlıqları olan zəngin iş adamlarının, eləcə də cinayətkarların xüsusi tələblərini yerinə yetirmək məcburiyyətində qalır. Bu ağır günlər ərzində gənc qadın daim itirdiyi bələdçisini xatırlayır və böyük kədər hissi keçirir.

1991-ci il istehsalı olan «Tokio dekadansı» dram filmi Yaponiya kinematoqrafiyasına aiddir. Ekran əsərinin rejissoru Ryu Murakami, baş rol ifaçıları isə Sayoko Amano, Tenmei Kano, Kan Mikami və Masahiko Shimadadır.