Veronika ölmək qərarına gəlir

Veronikanın hər şeyi olsa da, monoton və boz günlərindən bezərək öz həyatına son qoymaq istəyir. Çoxlu sayda yuxu dərmanı qəbul edərək intihara cəhd edən gənc qadının bu planı baş tutmur. O, gözlərini psixiatriya xəstəxanasında açır.

Həkimlərin sözlərinə görə, qəbul etdiyi dərmanlar onun sağlamlığına ciddi zərər vurub və ömrünün sonuna çox az vaxt qalıb. Veronika ona ayrılan bu qısa müddəti xəstəxananın divarları arasında və digər pasiyentlərin əhatəsində keçirməli olur.

«Veronika wa shinu koto ni shita» adlı bu yapon dram filmi 2005-ci ildə ekranlara çıxıb. Ekran əsərinin rejissoru Kei Horiedir. Əsas rolları Li Van, Ukiha Shibuya, Mayuko Shiho və Yumi Takigawa canlandırıblar.