Canavarlar klubu

Kiçik bacısından başqa bütün ailəsini itirən Ryoiti müasir sivilizasiyadan uzaqlaşaraq qarlı dağlarda tənha yaşamağa qərar verir. İnsanlardan təcrid olunmuş bir daxmada məskunlaşan gənc, öz həyatını mövcud ictimai quruluşa qarşı mübarizəyə həsr edir.

Ryoitinin fikrincə, müasir sistem insanları əsarət altına alaraq onları hakimiyyət sahiblərinin köləsinə çevirir. Bu vəziyyəti dəyişməyin yeganə yolunu radikal addımlarda görən qəhrəman, iri korporasiyaların və televiziya şəbəkələrinin rəhbərlərinə poçt vasitəsilə bombalar göndərməyə başlayır.

Rejissor Toshiaki Toyodanın çəkdiyi «Canavarlar klubu» (Monsutazu kurabu) dram filmi 2011-ci ildə Yaponiyada istehsal olunub. Əsas rollarda Mayu Kusakari, Jun Kunimura, Pyuupiru və Ken Ken çıxış edirlər.