Qanlı karaoke

Karaoke oxumağı və təhlükəli əyləncələri sevən altı gənc asudə vaxtlarını bir yerdə keçirir. Onlardan birinin əyləncə naminə orta yaşlı qadını bıçaqlayaraq öldürməsi hər şeyi alt-üst edir. Bu gözlənilməz cinayət iki tam fərqli qrupun qarşılaşmasına yol açır.

Həyatını itirən qadın da öz yaşıdları ilə birlikdə karaoke həvəskarı idi. Rəfiqələrinin qətlə yetirildiyini öyrənən digər qadınlar bu itki ilə barışmaq fikrində olmurlar və qisas almağa qərar verirlər. Tərəflər arasındakı münaqişə getdikcə böyüyür və mübarizədə bıçaqlardan, tapançalardan, hətta qranatatanlardan istifadə olunur.

«Qanlı karaoke» (Shôwa kayô daizenshû) dram və qorxu janrlarını birləşdirən Yaponiyanın tammetrajlı filmidir. Ekran əsəri 2003-cü ildə rejissor Tetsuo Shinohara tərəfindən çəkilib, baş rollarda isə Yoshio Harada, Asahi Uchida, Minori Terada və Sado Nagasaki çıxış edir.