Mən parıltıyam!

Rui yeni dini təşkilatın nüfuzlu rəhbəridir və medianın diqqət mərkəzindədir. Günlərin birində o, Rumi adlı gənc qadınla birlikdə avtomobil qəzasına düşür. Rui hadisədən xəsarətsiz xilas olsa da, yol yoldaşı huşunu itirir. Jurnalistlərin bu hadisəni sensasiyaya çevirməsi vəziyyəti daha da gərginləşdirir.

Mətbuatın təqibindən yaxa qurtarmaq istəyən gənc uzaq bir adaya üz tutur. Qayğıkeş anası isə onu tək buraxmayıb yanına mühafizəçi və iki köməkçi göndərir. Təcrid olunmuş məkanda bir müddət qalan dini lider öz hərəkatı haqqında dərindən düşünür və gələcəyini dəyişəcək qəti qərar verir.

«I'm Flash!» adlı Yaponiya istehsalı olan dram filmi 2012-ci ildə rejissor Toshiaki Toyoda tərəfindən çəkilib. Ekran əsərində baş rolları Ichi Omiya, Tatsuya Nakamura, Kento Nagayama və Kiko Mizuhara canlandırırlar.