Zənglə gələn oğlan

Universitet tələbəsi Ryo Morinaka həm dərslərinə vaxt ayırır, həm də yerli barda işləyir. Həyatının darıxdırıcı və bir-birinə bənzəyən günləri gənci getdikcə ruh düşkünlüyünə salır. Bir gün dostu Ryonun çalışdığı məkana xüsusi əyləncə klubunun sahibəsi olan Şidzuka Midonu gətirir.

Qadın tələbəyə yeni bir iş təklif edir və Ryo bu fürsəti dərhal dəyərləndirir. Qadınlara ödənişli xidmət sahəsinə addım atan gənc fərqli bir mühitlə qarşılaşır. O, vaxt keçdikcə qadınların daxili istəklərini və duyğularını daha dərindən anlamağa başlayır.

Yaponiya istehsalı olan «Zənglə gələn oğlan» (Shonen) dram filmi 2018-ci ildə ekranlara çıxıb. Ekran əsərinin rejissoru Daisuke Miuradır. Baş rolları Tori Matsuzaka, Yu Koyanagi, Yuki Sakurai və Kokone Sasaki canlandırıblar.