Kin-dza-dza!

Moskvalı usta Vladimir Nikolayeviç Maşkov çörək və makaron almaq üçün dükana gedərkən heç vaxt ağlına gətirməzdi ki, bu yol ulduzlararası səyahətlə nəticələnəcək. Küçədə qarşısına çıxan ayaqyalın qəribə bir adamın əlində «yerdəyişmə cihazı» adlandırdığı balaca bir qurğu olur. Təsadüfən düyməni basan Maşkov və həmin vaxt onun yanında dayanan dovşan papaqlı tələbə özlərini qəflətən qum səhrasında tapırlar.

Onlar «Kin-dza-dza» qalaktikasında yerləşən Plyuk adlı qəribə bir planetə düşürlər. Bu yad dünyada yaşamaq və evə qayıtmaq üçün yerlilərin qeyri-adi qaydalarına və şalvar rənglərinə əsaslanan sosial təbəqələşməsinə uyğunlaşmaq lazım gəlir.

«Kin-dza-dza» elmi-fantastik komediya filmini 1986-cı ildə SSRİ-də rejissor Georgi Daneliya çəkib. Ekran əsərində əsas rolları Stanislav Lyubşin, Yevgeni Leonov, Yuri Yakovlev və Levan Qabriadze canlandırıblar.